Msemaji wa serikali ya Somalia ajeruhiwa katika shambulio la wanajihadi

Mashambulizi ya Jumapili, ambayo Al-Shabaab walidai kuhusika nayo, yalikuja wiki moja baada ya viongozi wa Somalia kukubaliana kumaliza uchaguzi wa bunge ifikapo Februari 25

0
Msemaji wa serikali ya Somalia Mohamed Ibrahim Moalimuu

Msemaji wa serikali ya Somalia alijeruhiwa Jumapili katika shambulio la kundi la wanajihadi la Al-Shabaab, ofisi ya waziri mkuu ilisema.

Mashambulizi ya Jumapili, ambayo Al-Shabaab walidai kuhusika nayo, yalikuja wiki moja baada ya viongozi wa Somalia kukubaliana kumaliza uchaguzi wa bunge ifikapo Februari 25, kufuatia ucheleweshaji wa mara kwa mara ambao umetishia uthabiti wa nchi hiyo yenye matatizo.

Zaidi ya mwaka mmoja wa ucheleweshaji ulizidisha mvutano mkali kati ya Waziri Mkuu Mohamed Hussein Roble na Rais Mohamed Abdullahi Mohamed, anayejulikana zaidi kwa jina la utani la Farmajo, huku kukiwa na hofu kwamba ugomvi wao unaweza kuzuka na kusababisha vurugu.

“Msemaji wa serikali ya Shirikisho la Somalia alijeruhiwa katika shambulio la kigaidi,” ofisi ilisema katika taarifa. Mohamed Ibrahim Moalimuu “majeraha si makubwa na tunamtakia afueni ya haraka.”

Vyanzo vingi vilisema mshambuliaji, ambaye aliuawa katika tukio hilo, alijaribu kuingia kwenye gari la msemaji kabla ya kulipua vilipuzi, na kuharibu gari hilo.

“Mlipuaji wa kujitoa mhanga aliruka kwenye gari lililokuwa likimsafirisha msemaji wa serikali ya Mohamed Ibrahim,” alisema polisi Mohamed Farah katika eneo la shambulio.

“Alikuwa na bahati ya kunusurika na majeraha madogo”, Farah alisema, akiongeza kuwa watu wengine wawili walijeruhiwa.

Moalimuu amekuwa msemaji na mshauri wa waziri mkuu kwa zaidi ya mwaka mmoja, akiwa amewahi kuwa mwandishi wa habari na BBC, na ni katibu mkuu wa zamani wa Umoja wa Kitaifa wa Wanahabari wa Somalia.

Amenusurika mashambulizi kadhaa kwenye makazi tofauti ambayo amukuwa akikaa, aliweza kutoroka bila kujeruhiwa kutokana na shambulio la 2019 kwenye nyumba moja ambayo ilizingirwa kwa karibu saa 22.

Farmajo, ambaye amekuwa rais tangu 2017, aliona mamlaka yake yakiisha Februari 8 mwaka jana na alishindwa kuandaa uchaguzi kabla ya kutangaza mwezi Aprili kwamba alikuwa akiongeaza muda wa utawala wake kwa miaka miwili — uamuzi ambao ulisababisha machafuko ya katika mji mkuu Mogadishu.

Hatimaye alimpa Roble jukumu la kuandaa uchaguzi mpya lakini kutokubaliana juu ya mchakato wa uchaguzi kulizua mzozo mkali wa madaraka kati ya viongozi hao wawili.

Somalia ilishuhudia ghasia mpya wiki iliyopita wakati Al-Shabaab walipodai mlipuko wa bomu lililotegwa kwenye gari na kusababisha vifo vya watu wanne mjini Mogadishu.

Mwezi Desemba, Farmajo alimsimamisha kazi Roble baada ya kumteua mnamo Septemba 2002 — upinzani ulimtaka rais ajiuzulu.

Machafuko yanayoendelea yamezua hofu kati ya jumuiya ya kimataifa  ambayo inahofia mkwamo wa uchaguzi utazidi kudhoofisha utulivu, na kuwatia moyo Al-Shabaab, ambao wapiganaji wao wanadhibiti maeneo makubwa ya nchi.

Kufuatia uamuzi wa kuandaa uchaguzi ifikapo Februari 25, rais mpya wa tume ya uchaguzi alipigiwa kura Jumamosi, mtangulizi wake akiwa amefutwa kazi na Roble.

Siku ya Jumamosi, Roble alisema “Suluhu pekee tuliyo nayo kwa nchi hii ni kufanya uchaguzi kwa hivyo mimi na viongozi wengine wa nchi wanachama lazima tuchukue hatua za ujasiri kufanya na kukamilisha uchaguzi kwa wakati.”

Alisema mchakato wa uchaguzi unapaswa kuanza tena siku hiyo hiyo.

In this article

Join the Conversation