Upinzani Zimbabwe unaishutumu serikali kwa udanganyifu katika uchaguzi

Mnangagwa, ambaye alichukua madaraka mwaka 2017 baada ya Mugabe anashutumiwa kwa kuwanyamazisha wapinzani.

0
Wafuasi wa kiongozi wa chama pinzani CCC Nelson Chamisa

Upinzani nchini Zimbabwe Jumapili ulishutumu mamlaka ya majimbo kwa kujaribu kuvuruga uchaguzi wa mwezi ujao kwa kuvuruga daftari la wapiga kura.

Kiongozi wa Chama cha Coalition for Change (CCC) Nelson Chamisa alisema maajenti wa usalama wa serikali walimuonya kuhusu njama ya udanganyifu na kwamba Tume ya Uchaguzi ya Zimbabwe imekuwa ikikabiliwa kuhusu orodha ya wapiga kura ya uongo.

ZEC inashutumiwa kwa kuondoa majina ya wapiga kura kutoka wilaya moja hadi nyingine bila wao kujua na kufanya kazi na shirika la kijasusi la taifa la Zimbabwe ili kuvuruga kura hizo.

“Tunapaswa kujitokeza na kupiga kura kwa wingi kwa sababu ni vigumu kuiba wakati idadi ya watu waliojitokeza kupiga kura ni kubwa,” Chamisa, mwanasiasa mkongwe wa upinzani, aliwaambia wafuasi wake katika uzinduzi wa kampeni za chama chake katika mji mkuu Harare.

“Tunachunguza daftari la wapiga kura. Ikiwa hawataruhusu hilo tuende mahakamani. Mahakama zikishindwa, tutaingia mitaani kuandamana.”

Zimbabwe itapiga kura katika uchaguzi mdogo wa mitaa na ubunge Machi 26, unaoonekana kama mazoezi ya uchaguzi mkuu wa 2023 ambapo chama tawala cha Rais Emmerson Mnangagwa cha Zanu-PF kinatafuta kupata wabunge wengi.

Taifa hilo la kusini mwa Afrika limevumilia hali ngumu ya uchaguzi uliozozaniwa tangu mwaka 2000.

Mnangagwa, ambaye alichukua madaraka mwaka 2017 baada ya Mugabe kutawala kwa miaka 37, mara kwa mara anashutumiwa kwa kuwanyamazisha wapinzani.

Kulikuwa na polisi wengi kwenye barabara kuu zinazoelekea kwenye mkutano huo, ambao ulikuja baada ya wanaharakati wasiopungua 80 wa CCC kukamatwa kwa kufanya kampeni katika jiji la Masvingo.

Ingawa mkutano huo ulikuwa wa amani kwa kiasi kikubwa, wasiwasi uliibuka kuhusu kukatwa kwa mtandao mara kwa mara.

Kulingana na shirika la NetBlocks,kasi ya  huduma ya mtandao ilipunguzwa kwa watumiaji wengi, hivyo basi kupunguza huduma za utiririshaji wa matangazo ya moja kwa moja kutoka kwa mkutano huo.

In this article

Join the Conversation