Kasisi aliyefukuzwa kazi na aliyewahi kushika nyadhifa za juu katika Kanisa Katoliki nchini Chile alihukumiwa kifungo cha miaka 15 jela Jumamosi kwa kosa la kubaka na kuwadhalilisha watoto kingono kwa zaidi ya muongo mmoja.
Hukumu dhidi ya Oscar Munoz, 60, ilitolewa na mahakama ya uhalifu katika mji mkuu Santiago.
Munoz alikuwa kasisi anayejulikana sana ambaye alishikilia nyadhifa za juu chini ya askofu mkuu wa Santiago na hivi majuzi mnamo 2018 chini ya Kadinali Ricardo Ezzati.
Mwisho anatuhumiwa kuficha kesi nyingi za unyanyasaji wa kingono kwa watoto wadogo ndani ya kanisa nchini Chile.
Munoz anatuhumiwa kwa kubaka au kuwadhulumu angalau watoto watano.
Waathiriwa wengine wawili bado wanachunguzwa
Munoz amekuwa rumande tangu 2018 akisubiri hukumu.
Uhalifu wake unaodaiwa kufanyika kati ya 2002 hadi 2018. Waendesha mashtaka walikuwa wameomba kifungo cha miaka 30 kwa ajili yake.
Papa Francis alimfukuza Munoz kutoka katika kanisa hilo mwaka wa 2019. Kama ilivyo katika mataifa mengine duniani, kanisa katoliki nchini Chile limekabiliana na wimbi la mashtaka kwamba makasisi wake waliwanyanyasa kingono watoto wadogo.