Taifa la Kenya kupitia Wizara ya Afya mnamo Alhamis 31, Julai 2024, lilithibitisha kuzuka kwa ugonjwa wa Mpox, ambao zamani ulijulikana kama Monkeypox, katika kaunti ya Taita-Taveta nchini mpakani mwa Tyanzania na Kenya. Mlipuko huo uligunduliwa kwa mtu mmoja aliyekuwa akisafiri kutoka Uganda kwenda Rwanda kupitia Kenya.
Mpox ni nini?
Mpoks ni ugonjwa unaosababishwa na virusi vya monkeypox. Virusi hivi huonyesha dalili kama vile upele kwenye ngozi, homa, maumivu ya kichwa, maumivu ya mwili, na nodi za limfu zilizovimba. Ugonjwa huo unaweza kuenea kutoka kwa mtu hadi mtu kwa mgusano wa ngozi iliyoambukizwa au vidonda vya mucosal, au kwa njia ya kuvuta hewa iliyo na matone ya kupumua.
Hatari ya Usambazaji
Mpoks hupatikana katika maeneo ya misitu ya Afrika Mashariki, Kati na Magharibi. Tangu Mei 2022, kumekuwa na mlipuko unaoendelea duniani huku visa vya juu zaidi vikiripotiwa Agosti 2022 na Juni-Novemba 2023.
Kuna hatari kubwa ya maambukizi ya kikanda kwa sababu ya msongamano mkubwa wa watu kati ya Kenya na nchi nyingine za Afrika Mashariki, hasa kwenye njia kuu za usafiri. .
Utambuzi na Matibabu
Utambuzi wa Mpox unadhibitishwa kupitia vipimo vya maabara vya vidonda vya ngozi. Vipimo hivi vinaweza kufanywa katika Maabara ya Kitaifa ya Afya ya Umma na maabara zingine maalum nchini.
Virusi vya Mpox hukaa mwilini bila kugundulika ndani ya wiki 2-4.
Matibabu yake hutegemea hitaji kutoka kwa mgonjwa au kiwango cha athari yake kwa mgonjwa.
Jinsi ya kujilinda na Mpox
Nawa mikono mara kwa mara kwa sabuni na maji au tumia viyeyuzi.
Ikiwa una dalili, tafuta ushauri wa afya, epuka kuwasiliana kwa karibu na wengine, na tembelea kituo cha afya kilicho karibu nawe.
Epuka kuwasiliana kwa karibu na mtu yeyote aliye na Mpox inayoshukiwa au iliyothibitishwa.
Jinsi Serikali Inadhibiti Kuenea kwa Mpoksi
Wizara ya Afya imeongeza juhudi za kudhibiti mlipuko wa Mpox na kuzuia kuenea kwake. Kwa ushirikiano na Serikali za Kaunti, Mamlaka za Afya ya Bandari, na mashirika mengine husika, wizara hiyo inaimarisha ufuatiliaji, kuripoti visa vinavyoshukiwa na kusambaza taarifa muhimu kwa umma. Hatua hizi ni sehemu ya mkakati wa kina wa kushughulikia mzozo wa afya kwa haraka na kwa ufanisi.
