Polisi mjini Kampala wamemkamata mhadhiri wa chuo kikuu cha Makerere Bernard Wandera kwa tuhuma za kumpiga mwanafunzi kofi.

Msemaji wa polisi Fred Enanga alisema ingawa chuo kikuu tayari kimemsimamisha kazi Wandera, Polisi wanaendelea na uchunguzi wao kuhusu tukio hilo.

“Kama polisi, tunachukulia kwa uzito ripoti zote za unyanyasaji na tutahakikisha kwamba suala hilo, ambalo lilizua mjadala wa umma baada ya picha kusambaa mitandaoni linachunguzwa kwa kina na haki inatendeka kwa mwathiriwa,” Enanga alisema katika taarifa yake Jumatatu.

Katika taarifa hiyo hiyo, Enanga alisema katika kurugenzi ya CID, kwa uratibu na Polisi wa Jiji la Kampala CID, “imeanzisha uchunguzi juu ya tukio la kushambuliwa kimwili na unyanyasaji wa mwanafunzi wa kike wa chuo kikuu, na mhadhiri wake “wakati wa mhadhara wake katika Frank- Kituo Kikuu cha Kufundishia cha Kalimuzo.”