Bunge la Ulaya leo limemshutumu Balozi wake nchini Tanzania, Bi Christine Grau, kwa kukaa kimya mbele ya ukatili wa kisiasa unaofanyiwa kiongozi wa upinzani, Bw Tundu Lissu.
Wakati akitoa uwasilishaji wake katika Kamati Ndogo ya Pamoja ya Haki za Binadamu (DROI) na kwa kushirikiana na Ujumbe wa Bunge la Pamoja la OACPS-EU (DACP) na Ujumbe wa Bunge la Afrika-EU, Bw Michael Gahler, Mjumbe wa Bunge la Ulaya, alisema ukimya kama huo kutoka kwa balozi wao haukubaliki.
“Tuna hali kama hiyo nchini Tanzania, ambapo kiongozi wa upinzani yuko gerezani. Walakini, balozi wetu anakaa mtulivu na kimya, na mmoja wa mawaziri wetu wa mambo ya nje hivi karibuni alisifu hali hiyo. Nadhani hiyo haikubaliki. Tunapaswa kukomesha kujifanya kwamba tuna maadili yoyote ikiwa nchi za Kiafrika zitaruhusiwa kupuuza sheria zao.” Alisema Bw Michael Gahler.
Wajumbe hao pia wanamkashifu Waziri wa Mambo ya Nje wa Cyprus, Dk. Constantinos Kombos, ambaye hivi karibuni alitembelea Tanzania, na kusifia hali ya kisiasa katika taifa hiyo ya Afrika Mashariki.
“Mmoja wa mawaziri wetu wa mambo ya nje hivi karibuni alisifu hali ya Tanzania. Nadhani hilo halikubaliki” Alisema Bw Gahler
“Ni ukweli kwamba demokrasia barani Afrika iko hatarini. Nchi kadhaa kama Tanzania, wanasiasa wa upinzani wameondolewa kwenye uchaguzi na wengine wamefungwa”
Dk Kombos alikuwa Tanzania mapema mwezi huu kwa niaba ya EU akimwakilisha Bw Kaja Kallas, Mwakilishi Mkuu wa Mambo ya Nje na Sera ya Usalama / Makamu wa Rais wa Tume ya Ulaya, kama sehemu ya juhudi za kuimarisha ushirikiano wa EU na Tanzania na kushiriki katika majadiliano ya ngazi ya juu ya maswala ya kikanda na kimataifa.
Bunge la Ulaya limewataka wawakilishi wake barani Afrika kuzungumza wakati wowote suala la wasiwasi wa ulimwengu, kama vile shida za kijamii na mateso ya kisiasa, linapotokea.
Mbunge huyo wa Umoja wa Ulaya alizungumza saa chache baada ya mahakama ya Tanzania kuahirisha kesi ya Tundu Lissu kwa mara nyingine tena baada ya serikali kushindwa kuwasilisha ushahidi unaomshtaki kwa mashtaka ya uhaini.
Kesi yake itatajwa tena tarehe 3 Julai 2025. Lissu amekuwa gerezani kwa karibu siku 100 tangu alipokamatwa na kushtakiwa kwa uhaini na usambazaji wa habari za uwongo.
