Marubani wawili na mabao ni Maafisa wa Jeshi la Anga la Misri wameripotiwa kupoteza maisha kwa kuhuzunisha siku ya Jumanne wakati helikopta ilipoanguka wakati wa mazoezi katika eneo la Shallufa katika Jimbo la Suez.

Kulingana na msemaji wa jeshi Gharib Abdel Hafez kupitia chapisho kwenye ukurasa wake rasmi wa Facebook, ni kwamba ajali hiyo ilitokana na hitilafu za kimitambo. Hata hivyo hakuweka wazi aina ya helikopta iliyohusika katika ajali hiyo.

Vikosi vya jeshi la Misri vimetoa risala za rambirambi kwa familia za maafisa hao huku uchunguzi ukifanywa kubaini chanzo cha ajali hiyo.

Jeshi la anga la Misri huendesha ndege kutoka nchi mbalimbali, zikiwemo Ufaransa, Urusi na Marekani.

Mnamo Novemba 2022, jeshi lilisema ndege ya kivita ilianguka wakati wa mazoezi ya kijeshi lakini hakukuwa na majeruhi.

Vile vile mnamo Desemba 2019, ndege  ilianguka wakati wa mazoezi, ila rubani aliondoka akiwa salama.