Mahakama ya Misri siku ya Jumanne ilimhukumu kifo mwanamume mmoja kwa mauaji ya mwanafunzi baada ya kukataa ombi lake la kuwa katika uhusiano nae, chanzo cha mahakama kilisema, katika kesi ambayo ilizua ghadhabu kubwa.

Mohamed Adel alipatikana na hatia ya “mauaji ya kukusudia” ya mwanafunzi mwenzake wa chuo kikuu Nayera Ashraf baada ya kukiri kosa hilo mahakamani, chanzo kiliiambia AFP.

Uamuzi huo, uliotolewa huko Mansoura kaskazini mwa Cairo baada ya kesi kufunguliwa Jumapili, sasa utapelekwa kwa mufti mkuu, mamlaka ya juu ya kitheolojia ya Misri — utaratibu rasmi katika kesi za hukumu ya kifo.

Video ambayo ilisambaa mtandaoni mapema mwezi huu ilionekana kumuonyesha Ashraf akidungwa kisu nje ya chuo kikuu chake huko Mansoura mnamo Juni 19. Hapo awali aliripoti hofu yake ya kushambuliwa kwa mamlaka, na mwendesha mashtaka alisema jumbe kutoka kwa mshtakiwa ‘zikitishia kumkata koo.’ zilipatikana kwenye simu yake.

Uamuzi huo ulipokewa kwa sherehe mbele ya mahakama huko Mansoura, video zilizochapishwa na vyombo vya habari vya ndani zilionyesha.

Uhalifu huo umeibua hasira kubwa nchini Misri na kwingineko, na kufuatiwa na tukio kama hilo la kupigwa risasi chuoni kwa mwanafunzi wa kike huko Jordan siku chache baadaye.

Polisi wa Jordan walisema Jumatatu kwamba mtu anayeshukiwa kumuua Iman Irshaid ‘alijipiga risasi’ baada ya kukataa kujisalimisha. Wakati huo huo kesi nyingine ilianza kugonga vichwa vya habari nchini Misri baada ya habari kwamba mwili wa mtangazaji wa TV Shaimaa Gamal umepatikana, karibu wiki tatu baada ya mumewe kuripoti kutoweka kwake.

Mwili wa Gamal ulipatikana kufuatia taarifa kutoka kwa mtu ambaye alikiri ‘kushiriki kwao katika uhalifu’, taarifa ya upande wa mashtaka ilisema Jumatatu jioni.

Upande wa mashtaka uliamuru kukamatwa kwa mumewe, ambaye ni afisa mkuu wa mahakama, kulingana na taarifa hiyo.

Kesi zote tatu zimesababisha hasira katika mitandao ya kijamii, watumiaji wa mitandao ya kijamii wakidai haki na kukemea matukio ya mauaji ya wanawake katika ulimwengu wa Kiarabu.

Baadhi wametaka wahusika wahukumiwe kifo, huku wengine wakisema wanaume lazima ‘wajifunze kujikubali wakikataliwa’.

Mhubiri wa Misri Mabrouk Attia pia alizua hasira, ikiwa ni pamoja na miongoni mwa watetezi wa haki za wanawake, baada ya kupendekeza kwamba Ashraf hangekumbana na hatima kama hiyo ikiwa angejisitiri.

Sheria za mfumo dume na tafsiri za kihafidhina za Uislamu nchini Misri zimechangia katika kupunguza kwa kiasi kikubwa haki za wanawake.

Takriban wanawake milioni nane wa Misri walifanyiwa ukatili na wapenzi wao au jamaa zao, au na watu wasiowafahamu katika maeneo ya umma, kulingana na uchunguzi wa Umoja wa Mataifa uliofanyika mwaka 2015.