Mwanaume mmoja raia wa Iran aliyepewa jina la utani la “mtu mchafu zaidi duniani” kwa kutooga kwa miongo kadhaa amefariki dunia akiwa na umri wa miaka 94, vyombo vya habari vya serikali viliripoti Jumanne.
Amou Haji, ambaye hakujiosha kwa zaidi ya nusu karne, alifariki Jumapili katika kijiji cha Dejgah katika mkoa wa kusini wa Fars, shirika la habari la IRNA liliripoti.
Haji alikuwa amekwepa kuoga kutokana na hofu ya “kuugua”, shirika hilo lilimnukuu afisa mmoja wa eneo hilo akisema.
Lakini “kwa mara ya kwanza miezi michache iliyopita, wanakijiji walikuwa wamempeleka bafuni kuosha,” IRNA iliripoti.
Filamu fupi ya makala iliyopewa jina la “The Strange Life of Amou Haji” ilitengenezwa kuhusu maisha yake mwaka 2013, kulingana na vyombo vya habari vya Iran.
