Rais wa Armenia Armen Sarkissian alijiuzulu siku ya Jumapili, akisema anaamini katiba ya nchi hiyo haimpi mamlaka ya kutosha kushawishi matukio ya nchi yake.

Sarkissian, amekuwa rais tangu 2018, alikuwa katika mzozo na Waziri Mkuu Nikol Pashinyan mwaka jana juu ya masuala kadhaa, ikiwa ni pamoja na kufutwa kazi kwa mkuu wa majeshi.

Nafasi ya waziri mkuu inaonekana kuwa na nguvu zaidi kuliko ile ya rais.

“Nimekuwa nikifikiria kwa muda mrefu, nimeamua kujiuzulu wadhifa wa Rais wa Jamhuri baada ya kufanya kazi kwa bidii kwa takriban miaka minne,” Sarkissian alisema katika taarifa iliyochapishwa kwenye tovuti rasmi ya rais.

“Swali linaweza kuibuka ni kwa nini Rais alishindwa kushawishi matukio ya kisiasa yaliyotupeleka kwenye mzozo wa sasa wa kitaifa. Sababu iko wazi tena – ukosefu wa zana zinazofaa … – Katiba.

Katika kura ya maoni mnamo Desemba 2015, Armenia ikawa jamhuri ya bunge, huku mamlaka ya urais yakipunguzwa kwa kiasi kikubwa.

Sarkissian katika taarifa yake hakurejelea moja kwa moja matukio au masuala yoyote mahususi.

Armenia ilikubali kusitisha mapigano na Azerbaijan mwezi Novemba mwaka jana katika mpaka wao, baada ya Urusi kuwataka wasitishe makabiliano hayo kufuatia mapigano mabaya zaidi kuwahi kutokea tangu vita vya wiki sita mwaka 2020 wakati Moscow pia iliweka makubaliano ya kumaliza uhasama.

Waziri Mkuu Pashinyan amekuwa na shinikizo kubwa tangu hapo, huku maandamano ya mara kwa mara mitaani yakimtaka aondoke madarakani kwa kuzingatia masharti ya makubaliano ya kuwepo kwa amani.

Chini ya makubaliano ya 2020 yaliyosimamiwa na Urusi, Azerbaijan ilipata tena udhibiti wa eneo ambalo ilikuwa imepoteza wakati wa vita mwanzoni mwa miaka ya 1990.

Armenia ilijitenga na Umoja wa Kisovieti mwaka 1991 lakini inasalia kutegemea Urusi kwa misaada na uwekezaji.Waarmenia wengi wanashutumu serikali kwa ufisadi na kuporomoka kwa uchumi wa nchi.