Waganda waliandamana Alhamisi baada ya amri ya mahakama kuu ya Umoja wa Mataifa kuitaka Uganda kuilipa Jamhuri ya Kidemokrasia ya Congo fidia ya dola milioni 325 katika vita vya kikatili miongo miwili iliyopita.
Malipo hayo yalikuwa chini ya kiasi ambacho DR Congo ilikuwa inadai ambayo ni dola bilioni 11 (euro bilioni 9.62) katika fidia kutokana na mzozo ambao unaaminika kuua mamia kwa maelfu ya watu.
“Wakati kiasi kilichotolewa ni kidogo sana kuliko kile kilichotafutwa na DRC, Uganda hata hivyo inachukulia hukumu hiyo isiyo ya haki, kama vile hukumu ya awali ya 2005 juu ya dhima haikuwa ya haki,” Waziri wa mambo ya nje wa Uganda alisema katika taarifa yake.
“Uganda inasikitika kuwa uamuzi huu unakuja wakati nchi hizo mbili zinaendelea kuimarisha uhusiano wao.”
Uamuzi wa Jumatano wa Mahakama ya Kimataifa ya Haki ulikuwa hitimisho la mvutano wa muda mrefu wa kisheria kati ya nchi hizo jirani kuhusu mzozo huo.
Mwaka 2005 ICJ iliamua kwamba Uganda ilipaswa kulipa fidia, lakini nchi hizo mbili hazikuwahi kukubaliana ni kiasi kipi cha fedah kitakacholipwa.
Kisha Kinshasa ilidai zaidi ya dola bilioni 11 kwa Uganda kukalia eneo lenye hali tete la kaskazini mashariki mwa Ituri.
Mahakama ilikubali kwamba Uganda ndiyo yakulaumiwa kwa kiasi kikubwa kwa maafa na majeruhi katika vita hivyo.
Lakini majaji walisema hakuna ushahidi wa kutosha kuunga mkono madai ya DRC kwamba Uganda ilihusika moja kwa moja na vifo vya raia 180,000.
Kampala ilihoji kwa nini Uganda inalaumiwa kwa maafa na uharibifu huo huku majeshi ya nchi nane yalihusika katika vita hivyo vya 1998-2003.
“Uganda inapinga lawama iliyowekewa kuhusu vita hivyo vilivyopiganiwa na Jeshi la Uganda (UPDF), linalojulikana sana kama mojawapo ya vikosi vyenye nidhamu zaidi duniani,” taarifa ya wizara ilisema.
Haikusema iwapo Uganda italipa fidia hiyo au la.
Majeshi ya Congo na Uganda yalianzisha operesheni ya pamoja mwishoni mwa mwaka jana dhidi ya kundi lenye silaha la Allied Democratic Forces ambalo linalaumiwa kwa maelfu ya mauaji mashariki mwa DRC pamoja na mashambulizi ya hivi karibuni ya mabomu nchini Uganda.
