Mmoja wa wagombea wawili wakuu wa urais nchini Kenya, Raila Odinga, hatashiriki katika mdahalo ujao wa uchaguzi, timu yake ya kampeni ilisema Jumapili, ikimtuhumu mpinzani wake mkuu kwa kujaribu kukwepa mada fulani kama vile ufisadi.
Odinga, 77, waziri mkuu wa zamani na Naibu Rais William Ruto, 55, ndio wagombea wakuu katika uchaguzi wa urais wa Agosti 9.
Lakini katika taarifa ilisema kuwa Odinga atasusia mjadala wa Jumanne, msemaji wake wa kampeni alimshutumu Ruto kwa kujaribu kukwepa mjadala wa masuala muhimu.
Ruto “ametaka mjadala huo usizingatie ufisadi, uadilifu, maadili, na utawala — maswali muhimu ambayo Kenya inakabiliwa nayo,” msemaji wa Odinga alisema katika taarifa hiyo.
“Mjadala wowote usio zingatia masuala haya ni kama kuwatusi wakenya. Ndio maana hatukusudii kushiriki mdahalo na mtu ambaye hana adabu.” akaongeza.
Badala yake, Odinga anapanga kushiriki katika mkutano atika kitongoji duni cha Eastlands, mkutano ambao utaonyeshwa katika televisheni. kulingana na taarifa hiyo.
Waandaji wa mdahalo huo walisema “wanaendelea kushirikisha wadau wote, zikiwemo timu mbalimbali za kampeni za urais.”
“Kwa mujibu wa Mwongozo wa Mjadala wa Rais, tumeshiriki maeneo yenye mada na wagombea wote na wasimamizi watajitahidi kushughulikia mada zote zilizotajwa ndani ya muda uliowekwa,” ilisema taarifa hiyo.
Mjadala huo, uliopangwa kuendelea kwa saa sita, bado utaendelea Jumanne, waandaji waliongeza.
Tangazo la Odinga linafuatia barua iliyotumwa Alhamisi na mkurugenzi wa mawasiliano wa Ruto kwa waandalizi wa mijadala.
Ilisema kwamba alikuwa “tayari kujibu swali lolote na kuzungumzia jambo lolote litakalotokea wakati wa mjadala” lakini ikaongeza kuwa mahudhurio yake “yalitegemea” masuala fulani.
“Tunatarajia kuwa wasimamizi watatoa muda sawa kwa masuala yanayowahusu Wakenya na kuwapa wagombeaji fursa sawa kujibu masuala yatakayoibuka,” barua hiyo ilisema.
“Kwa maana hiyo tunapenda kufahamu mapema muda utakaotolewa kwa wahusika kujibu masuala tofauti ikiwa nia pamoja na masuala ya utawala na uadilifu, kilimo, huduma za afya, MSMEs na viwanda, nyumba, uchumi wa kidijitali, sera ya kigeni, na kadhalika,” iliendelea.
Waandaaji wa midahalo wamesisitiza kuwa “wasimamizi watachagua maswali ya kuuliza, na hawatashiriki maswali hayo na wagombea.”
“Hawatakutana na timu yoyote ya kampeni au wagombea,” waliongeza katika taarifa hiyo.
Rais Uhuru Kenyatta hawezi kugombea tena na amemuidhinisha Odinga badala ya naibu wake wa miaka tisa baada ya mzozo mkali.