Serikali ya Uingereza imetangaza kuondoka kwa Jane Marriott kama Kamishna Mkuu wa Uingereza nchini Kenya na kumteua Neil Wigan kumrithi kuanzia Julai 2023.

Huku akikaribisha mabadiliko hayo, Bi Marriott alisema kuwa ataikumbuka Kenya baada ya kuhudumu kwa miaka minne, na akadokeza kuchukua jukumu lingine Julai.

Kabla ya kuja Kenya, aliwahi kuwa Mkurugenzi wa Kimataifa wa Kupambana na Ugaidi na Balozi wa Yemen.

Bi Marriott amehusika katika mipango kadhaa nchini Kenya tangu achukue wadhifa huo, ikiwa ni pamoja na kupiga vita ukeketaji na kushiriki katika mpango wa kupunguza ukame katika baadhi ya maeneo ya Kenya.

Bw Wigan amekuwa akihudumu kama Balozi wa Uingereza mjini Tel Aviv, Israel, nafasi ambayo amekuwa akiishikilia tangu 2019. Kabla ya hapo, alikuwa Mkurugenzi wa Ofisi ya Jumuiya ya Madola na Maendeleo (FDO) barani Afrika kuanzia 2015 hadi 2018. Pia aliwahi kuwa Balozi wa Mogadishu kuanzia 2013 hadi 2015.

Alisema ana furaha kurejea Kenya.