Serikali ya Tanzania imesema ifikapo mwaka 2030, ugonjwa wa Virusi vya Ukimwi utatokomea ambapo ambapo hadi sasa 96% ya Watanzania wanaoishi na VVU wanajua kuwa wana maambukizi, 98% ya wanaoishi na VVU wanatumia dawa ARVs, 97% ya wanaotumia dawa wamefubaza makali ya UKIMWI. 

Kauli hiyo imetolewa na Waziri wa Afya nchini humo bi Ummy Mwalimu ambaye pamoja na mambo mengine ameeleza kuwa katika kutekeleza hayo Tanzania  imejipanga kuutokomeza UKIMWI kwa kuzingatia miongozo inayotolewa na Shirika la Afya Duniani, WHO kwa kuanzisha sera ya kupima na kutoa dawa kwa waathirika wa virusi hivyo.

“Tanzania pia imekuwa ikizingatia miongozo mbalimbali inayotolewa na WHO/UNAIDS ili kutokomeza UKIMWI ikiwemo kuanzisha Sera ya kupima na kutoa dawa (Test and Treat) kwa Watu wanaobainika kuwa VVU bila kusubiri kigezo cha idadi ya CD4, utoaji dawa za kuzuia maambukizi ya VVU kwa makundi yenye hatari zaidi ya kuambukizwa VVU” amesema Ummy.

Aidha Waziri Ummy, amebainisha njia ambazo zitasaidia katika mapambano hayo ya kuutokomeza UKIMWI ifikapo 2030 ikiwa ni pamoja na Kuimarika kwa Ufanisi wa huduma za VVU kama vile uibuaji wa watu wanaoishi na Virusi Vya UKIMWI na Utoaji dawa za kuzuia maambukizi ya VVU kwa makundi yenye hatari zaidi ya kuambukizwa VVU. 

Njia nyingine ya kutokomeza UKIMWI ni pamoja na kufata uongezaji wa ufanisi katika uibuaji wa watu wanaoishi na Virusi Vya UKIMWI na utoaji wa Kondomu hadi kwenye ngazi ya jamii.

Hata hivyo Wazir Ummy amesema Kurahisisha Utoaji wa ARV kwa kuanza afua ya kutoa dawa za muda wa miezi mitatu hadi sita na Kuwepo na nafasi mpokea huduma kuchagua sehemu na muda atakaokuja kupokea huduma ni miongoni mwa njia ambazo zitatokomeza UKIMWI nchini ifikapo 2023