Mwanawe marehemu dikteta wa Ufilipino Ferdinand Marcos ameshinda uchaguzi wa urais Jumanne, baada ya Wafilipino kuweka dau kuwa nasaba inayojulikana ya Marcos inaweza kupunguza umaskini uliokithiri — huku wakipuuza maonyo ya kurudi kwa ukoo huo kungezidisha ufisadi na kudhoofisha demokrasia.

Huku hesabu ya awali ikikaribia kukamilika, Ferdinand ‘Bongbong’ Marcos Junior amepata zaidi ya asilimia 56 ya kura na zaidi ya mara mbili ya mpinzani wake wa karibu, mwanaliberali Leni Robredo.

Uongozi wake ambao sasa hauwezi kupingwa wa kura zaidi ya milioni 16 unamaanisha mabadiliko makubwa kwa familia ya Marcos, ambao wametoka katika ikulu ya rais hadi kwa umasikini na kurudi tena katika utajiri.

Ushindi huo wa Marcos ni pigo kubwa kwa mamilioni ya Wafilipino ambao walitarajia kubadili mwelekeo baada ya miaka sita ya umwagaji damu ya utawala wa kimabavu unaozidi kutekelezwa na Rais anayemaliza muda wake Rodrigo Duterte.

Badala ya kukataa kabisa uongozi wa Duterte, wapiga kura wa Ufilipino walimchagua binti yake Sara kama makamu wa rais kwa kura nyingi katika kura sawia.

Mnamo 1986, mke wa Marcos Imelda Marcos alifukuzwa uhamishoni kwa mapinduzi ya ‘People Power.”

Marcos junior alikataa kushutumu vitendo vya kikatili na ufisadi vya familia yake katika kampeni iliyoambatana na upotoshaji wa historia halisi ya familia hiyo mitandaoni.

Huku kumbukumbu za utawala wa babake ukififia kadiri muda unavyosonga na kuchafuliwa na machapisho mengi ya Facebook yanayopotosha, wapiga kura wa Ufilipino walimgeukia Marcos ili kufufua utukufu wa siku za nyuma.

“Ataiondoa nchi yetu kutoka kwa umaskini tunaokabili kwa sasa,” mfuasi na afisa mstaafu wa polisi Anthony Sola alisema, ambaye alijieleza kuwa mwenye furaha.

Mzee huyo mwenye umri wa miaka 50 alikanusha madai kwamba akina Marcos waliiba kiasi cha dola bilioni 10 katika kipindi chao cha mwisho madarakani: “Siamini waliiba pesa, kwa sababu kama wangeiba, wangepaswa kufungwa tayari.”

Baadhi ya asilimia 43 ya Wafilipino wanajiona kuwa maskini, na asilimia 39 zaidi wanahisi kuwa wako wastani kulingana na kura ya maoni ya Machi ya Utafiti wa Social Weather Survey.

Akitoa hotuba ya usiku wa manane kutoka makao makuu ya kampeni yake huko Manila siku ya Jumatatu, Marcos aliyechoka lakini mwenye furaha aliwashukuru wafanyakazi wa kujitolea kwa miezi yote kwenye kampeini.

Lakini aliacha kudai ushindi, akionya kwamba “hesabu bado haijafanywa.”

Hesabu iliyoidhinishwa kikamilifu haitarajiwi kabla ya Mei 28. Barabarani, mamia ya wafuasi waliojawa na furaha walifyatua fataki hadi usiku wa manane, wakapeperusha bendera ya taifa na kupanda kwenye magari yaliyoegeshwa ili kuimba kwa ushindi.