Tume ya Udhibiti wa Mchezo wa ndondi ya kimataifa Tanzania (TPBRC) imemsimamisha kwa muda bondia maarufu Karim ‘Mtu kazi’ Mandonga kwa ajili ya kupimwa afya yake katika Hospitali ya Taifa ya Muhimbili.
TBRC imesema kuwa bondia huyo hatashiriki mapambano yoyote hadi pale afya yake itakapopimwa kufuatia kipigo chake cha Technical Knockout (TKO) dhidi ya Moses Golola wa Uganda Julai 29, 2023 jijini Mwanza.
Uamuzi huu umekuja huku TPBRC ikitoa kipaumbele kwa ustawi wa wanariadha katika mchezo wa ngumi za kulipwa.
Kusimamishwa kwa Mandonga kunaonyesha kujitolea kwa tume hiyo katika kuhakikisha usalama na afya ya wapiganaji wote, wanapofanyiwa uchunguzi wa kina wa afya ili kubaini kufaa kwao kushindana.