Search
Close this search box.
Africa

WHO /CDC:Takriban watoto milioni 40 wako katika hatari ya kushambuliwa na surua 

15

Ripoti mpya iliyotolewa leo mjini Geneva Uswis na Atlanta Marekani na shirika la afya la Umoja wa Mataifa duniani WHO na kituo cha Marekani cha kudhibiti magonjwa CDC inaonyesha kuwa ugonjwa wa surua ni tishio lililo karibu duniani kote. 

Pia imesema utoaji wa chanjo ya surua umepungua kwa kasi tangu mwanzo wa janga la virusi vya corona  

Mwaka 2021, rekodi ya juu ya watoto karibu milioni 40 walikosa chanjo chanjo ya surua, ambapo watoto milioni 25 walikosa dozi yao ya kwanza na watoto milioni 14.7 walikosa dozi yao ya pili, imesema ripoti hiyo iliyochapishwa kwa pamoja na WHO na CDC.  

Imeongeza kuwa kupungua huku kwa kasi ya chanjo ni kikwazo kikubwa katika maendeleo ya kimataifa kuelekea kufikia na kukomesha kabisa ugonjwa wa surua na hivyo kuwaacha mamilioni ya watoto wakiwa katika hatari ya kuambukizwa.

Watoto milioni 9 walipata surua 2021 

Mwaka 2021, WHO na CDC wanasema kulikuwa na kesi milioni 9 na vifo 128,000 kutokana na surua duniani kote.

Nchi 22 zilikumbwa na milipuko mikubwa na ya kutatiza. Kupungua kwa utoaji wa chanjo, kudhoofika kwa ufuatiliaji wa surua, na kuendelea kukatizwa na kucheleweshwa kwa shughuli za chanjo kutokana na janga la COVID-19, pamoja na milipuko mikubwa inayoendelea mwaka wa 2022, inamaanisha kuwa surua ni tishio lililo karibu katika kila eneo la dunia. 

“Kitendawili cha janga hili ni kwamba wakati chanjo dhidi ya COVID-19 ilitengenezwa kwa wakati uliovunja rekodi na kupelekwa katika kampeni kubwa zaidi ya chanjo katika historia, mipango ya kawaida ya chanjo ilitatizwa vibaya, na mamilioni ya watoto walikosa chanjo ya kuokoa maisha dhidi ya magonjwa hatari. kama surau. Kurejesha mipango ya chanjo kwenye mstari ni muhimu kabisa. Nyuma ya kila takwimu katika ripoti hii kuna mtoto aliye katika hatari ya ugonjwa unaoweza kuzuilika,” amesema mkurugenzi mkuu wa WHO Dkt. Tedros Adhanom Ghebreyesus. 

Ripoti imesisitiza kuwa hali ni mbaya sana, surua ni mojawapo ya virusi vya binadamu vinavyoambukiza zaidi lakini inaweza kuzuilika kwa njia ya chanjo. Chanjo ya asilimia 95% au zaidi ya dozi 2 ya chanjo iliyo ya surua inahitajika ili kuunda kinga ya mifugo ili kulinda jamii na kufikia lengo la kukomesha ugonjwa wa surua.  

Ripoti imeendelea kusema kwamba dunia iko katika hali hiyo, kwani ni asilimia 81% tu ya watoto ndio wanaopokea chanjo yao ya kwanza ya surau, na ni asilimia 71% tu ya watoto  ndio wanaopokea chanjo ya pili ya surua.  

Hivi ndivyo viwango vya chini kabisa vya chanjo ya kimataifa ya dozi ya kwanza ya chanjo ya surua tangu 2008, ingawa chanjo inatofautiana kulingana na nchi.

Hatua za dharura za kimataifa zinahitajika 

Surua popote na kila mahali ni tishio kwani virusi vinaweza kuenea kwa haraka kwa jamii nyingi na kuvuka mipaka ya kimataifa.  

Hakuna kanda ya WHO iliyofanikisha kutokomeza na kusalia bila surua tangu mwaka wa 2016, kwani nchi kumi ambazo hapo awali zilikuwa zimeondoa ugonjwa wa surua zilipata milipuko na kuanzisha tena maambukizi. 

Kwa upande wake mkurugenzi wa CDC Dkt. Rochelle P. Walensky amesema.”Idadi iliyorekodiwa ya watoto ambao hawajapata chanjo ya kutosha na wanaoweza kuathiriwa na surua inaonyesha uharibifu mkubwa wa mifumo ya chanjo iliyopatikana wakati wa janga la COVID-19, “Mlipuko wa surua unaonyesha udhaifu katika programu za chanjo, lakini maafisa wa afya ya umma wanaweza kutumia hatua dhidi ya mlipuko kutambua jamii zilizo hatarini, kuelewa sababu za chanjo duni, na kusaidia kutoa suluhisho zinazolengwa ndani ili kuhakikisha chanjo zinapatikana kwa wote.” 

Chanjo milioni 61 zilitolewa mwaka 2021 

Mwaka 2021, karibu dozi milioni 61 za chanjo ya surua ziliahirishwa au kukosa kutolewa kutokana na ucheleweshaji unaohusiana na COVID-19 katika kampeni za chanjo katika nchi 18 limesema hirika la WHJO na CDC. 

“Ucheleweshaji huongeza hatari ya milipuko ya surua, kwa hivyo wakati wa maafisa wa afya ya umma kuharakisha juhudi za chanjo na kuimarisha ufuatiliaji ni sasa” wamehimiza CDC na WHO wakitaka hatua zilizoratibiwa na shirikishi kutoka kwa washirika wote katika ngazi ya kimataifa, kikanda, kitaifa na mitaa kuweka kipaumbele katika juhudi za kutafuta na kutoa chanjo kwa watoto wote ambao hawajalindwa, ikiwa ni pamoja na wale waliokosa katika miaka miwili iliyopita. 

Mlipuko wa surua unaonyesha udhaifu katika programu za chanjo na huduma zingine muhimu za afya.  

Ili kupunguza hatari ya milipuko, “nchi na wadau wa kimataifa lazima wawekeze katika mifumo thabiti ya ufuatiliaji. Chini ya mkakati wa kimataifa wa chanjo ya Agenda 2030, washirika wa chanjo duniani wanasalia na nia ya kusaidia uwekezaji katika kuimarisha ufuatiliaji kama njia ya kugundua milipuko haraka, kukabiliana nayo haraka, na kuwapa chanjo watoto wote ambao bado hawajalindwa dhidi ya magonjwa yanayoweza kuzuilika.”

Comments are closed

Related Posts