Rais wa Malawi amvua mamlaka naibu wake kwa kuhusika na ufisadi

Kwa mujibu wa katiba ya Malawi, Chakwera hawezi kumsimamisha au kumwondoa Chilima kwa sababu ni afisa aliyechaguliwa na raia

0
Lazarus Chakwera, Rais wa Malawi

Rais wa Malawi Lazarus Chakwera Jumanne alimvua mamlaka makamu wake Saulos Chilima madaraka baada ya naibu huyo kutajwa katika kashfa ya ufisadi ambayo imetikisa nchi hiyo.

Uchunguzi kuhusu udanganyifu katika ununuzi uliofanywa kwenye Taasisi ya Kupambana na Rushwa nchini (ACB) ulihitimisha kuwa maafisa wa umma 53 wa sasa na wa zamani walipokea pesa kutoka kwa mfanyabiashara wa Uingereza-Malawi Zuneth Sattar kati ya Machi na Oktoba 2021, Chakwera alisema.

Sattar anachunguzwa nchini Uingereza na Malawi kwa tuhuma za ufisadi, ulaghai na kashfa ya wizi wa fedha.

Kwa mujibu wa katiba ya Malawi, Chakwera hawezi kumsimamisha au kumwondoa Chilima kwa sababu ni afisa aliyechaguliwa.

“Kile ninachoweza kufanya kwa sasa… ni kuizuia ofisi yake majukumu yoyote aliyokabidhiwa wakati nikisubiri ofisi ithibitishe tuhuma zinazomkabili,” alisema Chakwera.

Hakukuwa na jibu la haraka kutoka kwa Chilima, ambaye alishirikiana na Chakwera kushinda uchaguzi wa urais wa 2020 wakiahidi kupambana na rushwa.

Chilima pia alijiunga na Chakwera katika kupinga uchaguzi wa udanganyifu wa mwaka 2019, ambao ulisababisha kura iliyoidhinishwa na mahakama mwaka uliofuata ambapo Chakwera alimshinda kiongozi wa zamani Peter Mutharika.

Katika hotuba ya kitaifa, Chakwera pia alimfuta kazi afisa mkuu wa polisi nchini George Kainja, ambaye alinaswa kwenye kanda akijadili mikataba na kashfa na Sattar.

Kiongozi huyo wa Malawi pia alimsimamisha kazi mkuu wake wa kazi na mwenyekiti wa kurugenzi ya manunuzi ya nchi hiyo, ambao pia wametajwa kwenye ripoti ya ACB.

Watu wengine 31 “kutoka sekta ya kibinafsi, vyombo vya habari, mashirika ya kiraia, na udugu wa kisheria” pia walipokea pesa kutoka kwa Sattar, Chakwera alisema.

Aliongeza kuwa chombo hicho cha ufisadi kiligundua kuwa polisi na jeshi la Malawi lilitoa kandarasi 16 zenye thamani ya zaidi ya dola milioni 150 kwa kampuni tano za Sattar kati ya 2017 na 2021.

“Baadhi ya maofisa wa umma wanadaiwa kutumia vibaya ofisi zao  kwa kukiuka taratibu za manunuzi kwa makusudi au kwa kupora,” alisema.

Mawaziri kadhaa waliohudumu na wa zamani tayari wamekamatwa kuhusiana na uchunguzi huo

In this article

Join the Conversation