Shirika la Afya Duniani (WHO) limeonya kuwa kesi za Covid-19 huenda zikaongezeka wakati wa msimu wa krismasi- na kushauri watu kupata chanjo.
Dk Bardle Thierno, meneja wa matukio wa Shirika la Afya Duniani barani Afrika aliwaambia waandishi wa habari katika mkutano wa Zoom kwamba kesi za coronavirus zimekuwa zikiongezeka katika baadhi ya maeneo ya mabara huku maambukizo yakitarajiwa kuongezeka – zaidi – wakati wa msimu wa sikukuu.
“Afrika Kusini imekuwa nchi inayoripoti kesi kwa sababu ya harakati za watu kwa wiki mbili zilizopita kurekodi vifo 122 vya Covid-19,” Dk Bardle alibainisha Jumanne.
Kulingana naye, Zimbabwe imerekodi vifo sita, vitatu nchini Botswana na vinne nchini Mauritius katika muda huo huo jambo ambalo linaleta haja ya kuwashawishi watu walio katika hatari ya kuambukizwa kuchanja.
“Ukichukua chanjo ya Covid-19 basi unapunguza mzunguko wake katika jamii yako na kujilinda wewe mwenyewe na watu walio hatarini,” Dk Bardle alisisitiza huku pia akihimiza umakini na uangalizi wa SOP.
“Afrika haijaathirika sana kama mabara mengine yoyote na ikiwa watu watachukua chanjo, wanaweza kujilinda,” alisema.
Shirika la Afya Duniani pia lilikiri kwamba “changamoto kuu bado zipo kuelekea azma ya Afrika kutengeneza chanjo yake yenyewe.”
“Kuna haja ya kuwekeza zaidi ingawa kumekuwa na mpango fulani nchini Afrika Kusini na Ghana,” Dk Bardle alisema.