Urusi imeandaa orodha ya wapiganaji 40,000 kutoka jeshi la Syria na wanamgambo washirika ili kuwaanda kupelekwa nchini Ukraine, mfuatiliaji wa vita ulisema Jumanne.
Kremlin ilisema wiki iliyopita kwamba watu wa kujitolea, wakiwemo kutoka Syria, wanakaribishwa kupigana pamoja na jeshi la Urusi nchini Ukraine.
Shirika la Kuchunguza Haki za Kibinadamu la Syria limesema maafisa wa Urusi, kwa ushirikiano na jeshi la Syria na wanamgambo washirika, wameweka ofisi za usajili katika maeneo yanayoshikiliwa na serikali.
Zaidi ya Wasyria 40,000 wamejiandikisha kupigana pamoja na Urusi nchini Ukraine hadi sasa,” alisema Rami Abdel Rahman ambaye anaongoza shirika hilo lenye makao yake makuu nchini Uingereza, ambalo lina mtandao mpana wa vyanzo nchini Syria.
Moscow inawaajiri Wasyria waliopata uzoefu wa mapigano wakati wa vita vya wenyewe kwa wenyewe vilivyodumu kwa miaka 11 nchini Syria ili kuimarisha uvamizi wa Ukraine ulioanza Februari 24. Maafisa wa Urusi waliotumwa kama sehemu ya kikosi kilichotumwa na Moscow nchini Syria mwaka 2015 kusaidia Damascus kilikuwa kimeidhinisha 22,000 kati ya wanajeshi hao, Abdel Rahman alisema.
Wapiganaji hao wanatoka katika vitengo vya jeshi la kawaida au kutoka kwa vikundi vya wanamgambo wanaounga mkono serikali ambao wana uzoefu katika vita vya mitaani na walipata mafunzo ya Kirusi.
Katika nchi ambayo wanajeshi wanapata kati ya $15 na $35 kwa mwezi, Urusi imewaahidi mshahara wa $1,100 kupigana huko Ukraine, Observatory iliripoti.
Pia wana haki ya fidia ya $7,700 kwa majeraha na familia zao hadi $16,500 ikiwa watauawa katika mapigano.
Wanaume wengine 18,000 wamejiandikisha na chama tawala cha utawala wa Syria cha Baath na watachujwa na Wagner Group, mkandarasi wa kijeshi wa kibinafsi wa Urusi aliye na uhusiano na Kremlin,alisema.
Ofisi ya uchunguzi ilisema haikuwa na ripoti zilizothibitishwa bado za wanajeshi wa Syria kuondoka kwenda Ukraine.
Mwakilishi wa serikali ya Syria alikanusha mpango wa kuajiri uliofafanuliwa na Observatory.
“Hadi sasa hakuna majina yaliyoandikwa, hakuna askari aliyesajiliwa katika vituo vyovyote wala hakuna mtu aliyesafiri kwenda Urusi kupigana nchini Ukraine,”Omar Rahmoun wa Kamati ya Kitaifa ya Maridhiano aliambia AFP.
Mamluki wa Syria tayari wamepigana katika pande zinazopingana za migogoro ya kigeni huko Libya na Nagorno-Karabakh.
Syria imetumika kama uwanja wa majaribio kwa mkakati wa kijeshi wa Urusi nchini Ukraine, na mbinu nyingi za Moscow huko zinatokana na uzoefu wake wa vita huko Syria, ambapo ilijaribu mifumo yake mingi ya silaha.