Kenya: Tume Huru ya Uchaguzi na Mipaka (IEBC) yashutumu kukamatwa kwa wakandarasi

Tume Huru ya uchaguzi na mipaka (IEBC) imelaani kukamatwa kwa maafisa watatu kutoka kwa kampuni inayosambaza mifumo ya kielektroniki ya kupigia kura kwa uchaguzi wa mwezi ujao.

0
Wafula Chebukati, Mwenyekiti wa Tume Huru ya Uchaguzi na Mipaka IEBC

Tume Huru ya uchaguzi na mipaka (IEBC) imelaani kukamatwa kwa maafisa watatu kutoka kwa kampuni inayosambaza mifumo ya kielektroniki ya kupigia kura kwa uchaguzi wa mwezi ujao.

Polisi walithibitisha kuwa mtu mmoja alikuwa amezuiliwa akiwa na stika za uchaguzi.

Tume Huru ya Uchaguzi na Mipaka (IEBC) ilisema kukamatwa kwa wafanyikazi wakuu kutoka Smartmatic International katika uwanja wa ndege wa kimataifa wa Nairobi ni sawa na ‘vitisho, unyanyasaji na ulaghai’.

Wafanyikazi hao, ambao walizuiliwa walipowasili Alhamisi kutoka Venezuela, walipewa kandarasi ya kisheria ya kupeleka na kusimamia miundombinu ya teknolojia ya uchaguzi kwa ajili ya uchaguzi wa Kenya mnamo Agosti 9, IEBC ilisema katika taarifa yake Alhamisi jioni.

“Uamuzi wa kijasiri wa mamlaka ya usalama kuwakamata, kuwaweka kizuizini na kuwaweka katika maficho wafanyakazi watatu bila uhalali, ni maonyesho ya vitisho,” ilisema.

Polisi walisema kuwa wageni hao walikamatwa katika Uwanja wa Ndege wa Kimataifa wa Jomo Kenyatta wakiwa na vibandiko vinavyohusiana na uchaguzi kwenye mizigo yao.

“Kukamatwa, kuzuiliwa na uchunguzi uliofuata ulilazimu kutokana na unyeti wa nyenzo za uchaguzi,” alisema msemaji wa polisi wa taifa Bruno Shioso.

Polisi hawakufahamishwa kuwa nyenzo kama hizo zilikuwa zikiingizwa nchini, alisema, akiongeza kuwa stika hizo pia hazikutangazwa au kuandamana na afisa wa IEBC kama inavyotakiwa kisheria.

Mshukiwa ameachiliwa kutoka kizuizini kufuatia uchunguzi, Shioso alisema.

IEBC ilisema kuzuiliwa huko kutakuwa na “athari zisizoepukika za kutatiza utumaji wa teknolojia katika Uchaguzi Mkuu ujao.”

Teknolojia ina jukumu kuu katika uchaguzi na Tume inashangazwa na kushiiliwa kwa wafanyikazi wa kiufundi,” ilisema Smartmatic, kampuni yenye makao yake makuu London, inasema imefanikiwa kusambaza teknolojia salama za uchaguzi katika zaidi ya nchi 30.

Upigaji kura kwa njia ya kielektroniki na kujumlisha kumekuwa na utata mkubwa katika chaguzi zilizopita za Kenya.

Mahakama ya juu zaidi nchini Kenya iliamuru kurudiwa kwa uchaguzi wa urais wa 2017 baada ya kutaja dosari katika uwasilishaji wa matokeo na usimamizi mbovu wa kielektroniki wa IEBC.

Umoja wa Ulaya, katika kutathmini uchaguzi huo, ulibainisha kuwa mfumo wa kielektroniki wa kutuma na kujumlisha matokeo ulipaswa kuboresha uwazi lakini badala yake ulichochea tuhuma za udanganyifu.

Ilipendekeza kuboresha mifumo ya kielektroniki ya upigaji kura kwa uchaguzi wa 2022 ikisema “teknolojia haiwezi kuchukua nafasi ya uaminifu.”

Naibu Rais William Ruto na Waziri Mkuu wa zamani Raila Odinga ndio wanaowania kiti cha urais na wamekuwa katika kampeni ndefu na ghali.

Rais wa sasa Uhuru Kenyatta hawezi kugombea tena na amempendekeza Odinga kuwa rais baada ya kutofautiana vibaya.

In this article

Join the Conversation