Uganda: Mahakama yamshtaki mwandishi kwa ‘kumsumbua’ rais Yoweri Museveni

Kakwenza Rukirabashaija ameshtakiwa kwa makosa mawili ya “mawasiliano ya kukera” na kuwekwa rumande hadi Januari 21

0
Kakwenza Rukirabashaija, mwandishi wa riwaya

Mahakama nchini Uganda imemshtaki mwandishi mashuhuri na mkosoaji wa serikali kwa “kumsumbua” Rais wa nchi hiyo Yoweri Museveni na mwanawe kupitia mitandao ya kijamii.

Kakwenza Rukirabashaija ameshtakiwa kwa makosa mawili ya “mawasiliano ya kukera” na kuwekwa rumande hadi Januari 21, alisema Charles Twine, msemaji wa Idara ya Upelelezi wa Jinai ya Polisi.

Mwaka jana, Rukirabashaija alishinda tuzo ya kimataifa ya waandishi walionyanyaswa. Alikamatwa nyumbani kwake Desemba 28 na inadaiwa aliteswa baada ya kuchapisha kwenye Twitter kuhusu Museveni na mwanawe, Muhoozi Kainerugaba.

Katika chapisho moja, mwandishi huyo wa kejeli alimtaja Kainerugaba kama — jenerali ambaye Waganda wengi wanaamini kuwa anajiweka katika nafasi ya kuchukua nafasi ya uongozi wa babake mwenye umri wa miaka 77 – kuwa ni “mnene”.

Katika karatasi ya mashtaka iliyotolewa na Mahakama ya Buganda Road mjini Kampala, waendesha mashtaka wa serikali walisema Rukirabashaija “kwa makusudi na mara kwa mara alitumia ukurasa wake wa Twitter kuvuruga amani ya Mheshimiwa Rais wa Jamhuri ya Uganda, Jenerali Yoweri Kaguta Museveni bila madhumuni ya mawasiliano halali.”

Katika shtaka la pili, Rukirabashaija alishtakiwa kwa kosa hilo hilo dhidi ya Kainerugaba.

Wakili wa Rukirabashaija Eron Kiiza alithibitisha mashtaka hayo na kuzuiliwa kwa mteja wake kupitia ujumbe mfupi.

Chini ya Sheria ya Matumizi Mabaya ya Kompyuta, makosa ya “mawasiliano ya kukera” yanaweza kubeba kifungo cha mwaka jela.

Serikali ilikuwa imepinga agizo la awali la mahakama la kumwachilia huru Rukirabashaija kutoka kizuizini bila masharti.

Kuzuiliwa kwa mwandishi huyo mwenye umri wa miaka 33 kuliibua maagizo ya kutaka kuachiliwa kwake kutoka Amerika, Umoja wa Ulaya na mashirika ya kiraia.

Mwandishi huyo alipata sifa nyingi kutokana na riwaya yake ya kejeli ya 2020, “The Greedy Barbarian” inayoelezea kuhusu ufisadi wa hali ya juu katika nchi ya kubuni.

Mwandishi huyo alishinda sifa kwa riwaya yake ya kejeli ya 2020, “The Graedy Barbarian” ambayo inaelezea ufisadi wa hali ya juu katika nchi ya kubuni.

Alitunukiwa Tuzo ya 2021 ya PEN Pinter kama Mwandishi wa Kimataifa wa Ujasiri, ambayo hutolewa kila mwaka kwa mwandishi ambaye ameteswa kwa kusema ukweli wake kuhusu uongozi katika taifa lake.

Rukirabashaija amekamatwa mara kwa mara tangu riwaya yake “The Greedy Barbarian” kuchapishwa. Amesema aliteswa wakati alipokuwa akihojiwa na majasusi wa kijeshi kuhusu kazi yake.

In this article

Join the Conversation